AKTUALNOŚCIMiastoSportRozrywkaInneTurystykaNa SygnaleKącik PrasowyKulturaPrzetargi i komunikatyWyboryChorzowskie KomentarzeKontakt24

Ruch Chorzów – Polonia Nysa [ZAPOWIEDŹ]

Kontakt24

Do Chorzowa przijedzie dzisiôj kolyjny beniaminek III grupy III Ligi – Polonia Nysa.

We sobotni wiecór, przy Cichyj 6 zagrômy szpil we ramach 11 raji szpilów we nôszyj grupie III Ligi. We piōntek na Ruchu łodbōły sie testy na COVID-19. Zakażony jest jedyn pracownik administracje i jedyn fusbalorz. Klub podôł informacjo, że łosoby ze pozytywnymi wynikami łostali szibko łodzielyni łod reszty i niy ma zagrożynio co do rozegranio szpilu.

Polonia Nysa powstała we 1946 roku jako Grom Nysa, a dwa lata potyn połōnczyli sie ze klubem Sudety Nysa. We historii mieli jesce nazwa Ogniwo nysa, a łod 1956 roku mianujom sie Polonia. Ich nôjwiynksze sukcesy to barażowe szpile ło II Liga we 1959 roku i 1/32 Pucharu Polski (1954/55 i 2020/21). We ich składzie gro były fusbalorz Ruchu – Adam Setla.

Łobecnie, we lidze zajmujom 16 plac (8 szpilów, 7 punktów, 2 wygrane, 1 rymis, 5 sfalonych), majom aż 24 stracone tory na 12 szczelonych. Ich nôjlepszym szczylcem jest Adam Setla – 5 torów.

Polonia Nysa poradzi sfalić szpil 0-4, jak i wygrać 4-2. Trza czujnie i ze pełnom koncyntracjom wylyźć na to szpotkanie. Ruch łobecnie mo zaś dobro passa – 3 szpile ze rzyndu bez sfalonego, 2 łostatnie wygrane. Powinni se spokojnie poradzić i pewnie wygrać tyn szpil. Nôsz typ: 3-0.

Dzisiej idzie kupić bilety ino ON-LINE, a fto niy może przijść na Cicho 6, tyn może kupić RYLACJA TV, kiero dzisiej poprowadzi nowo firma (kiero robiōła relacje TV do Widzewa we zeszłym syzonie).

Przipominômy, że wszistkie szpile do końca rundy Ruch gro u sia ło godzinie 18:00!

 

Śledźcie Życie na Niebiesko na Twitterze i Facebooku kaj bydymy na biyżōnco, po naszymu łopisywać wydarzynia ze tego szpilu.

----

foto - Dawid Godziek / Życie na Niebiesko

Dawid Godziek

Udostępnij:


Komentarze

Brak komentarzy...

Zostaw komentarz


POLECANE FIRMY

AKTUALNOŚCI

KALENDARZ WYDARZEŃ

22
Czwartek
Październik 2020
Październik
Po Wt Śr Cz Pt So Nd
282930
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
1
imieniny:
Haliszki, Lody, Przybysłwa

Werwa Sport